This job listing has expired and may no longer be relevant!
23 Dec
2020
Tender ᑐᓴᕋᑦᓴᖅ
ᑐᓴᕋᑦᓴᖅ
ᐊᕐᕌᒍᑕᒫᑦ ᐊᐅᓪᓚᑎᑦᓯᓂᐅᖃᑦᑕᖅᑐᖅ ᑖᒃᓯᓅᖓᔪᓂᒃ
ᖃᐅᔨᒃᑲᐃᔾᔪᑎᓂᒃ ᖃᐅᔨᓴᖅᑕᐅᒍᑎᒥᓂᕐᓂᒃ
ᑐᓴᖅᑎᑦᓯᒍᑎ 2020−ᒥ ᑖᒃᓯᓅᖓᔪᓂᒃ ᖃᐅᔨᒃᑲᐃᔾᔪᑎᓂᒃ
ᖃᐅᔨᓴᖅᑕᐅᒍᑎᒥᓂᕐᓂᒃ ᐊᑐᕐᓂᕐᒧᑦ 2021 ᓇᖕᒥᓂᖁᑎᓄᑦ ᑖᒃᓯᔭᐅᑎᓂᒃ
ᐊᐅᓪᓚᖅᑎᑕᐅᓚᐅᖅᑐᑦ ᑏᓰᒻᕙ 21, 2020.
- ᖃᐅᔨᒃᑲᐃᔾᔪᑏᑦ ᖃᐅᔨᓴᖅᑕᐅᒍᑎᒥᓂᕐᓂ ᐃᓗᓕᓖᑦ ᑖᒃᑯᓂᖓᑦᓴᐃᓐᓇᖅ ᑐᓴᖅᑎᑦᓯᒍᑎᓂᒃ ᓇᖕᒥᓂᖁᑕᐅᔪᒥᒃ ᑎᑎᕋᖅᑕᐅᓯᒪᔪᓂᒃ ᓇᓗᓇᐃᒃᑯᑕᖅᑖᖑᓯᒪᔪᓂ
ᖃᐅᔨᓴᖅᑕᐅᒍᑎᒥᓂᕐᓂ, ᓯᕗᓪᓕᕐᐹ ᐋᖅᑭᒋᐊᕈᑎ. ᐃᓚᖓ ᖃᐅᔨᓴᖅᑕᐅᒍᑎᓂ ᐅᖃᐅᓯᓕᒃ ᓄᓇᓕᒻᒧᑦ ᓇᖕᒥᓂᖁᑕᐅᔪᖅ ᐃᓂᖓᓂᒃ ᖃᐅᔨᓴᖅᑕᐅᒍᓐᓇᓂᐊᖅᑐᖅ
ᐱᓕᕆᓐᓇᕐᓂ ᐃᑲᕐᕋᓂ ᓄᓇᓖᑦ ᐊᓪᓚᑉᕕᖓᓂ ᐅᑉᕙᓘᓐᓃᑦ ᐊᓪᓚᑉᕕᓐᓂ ᓄᓇᕗᒻᒥ ᓇᖕᒥᓂᖁᑕᐅᔪᓂᒃ ᖃᐅᔨᓴᖅᑕᐅᒍᑎᓄᑦ ᐊᓪᓚᑉᕕᖓᓂ, ᕿᑭᖅᑖᓗᒃ ᑯᐊᐳᕇᓴᒃᑯᑦ,
ᑐᒡᓕᐊ ᓇᑎᖓ, 922 ᓂᐊᖁᓐᖒᓯᐊᕆᐊᖅ ᐊᑐᕆᐊᖓ, ᐃᒡᓗᕗᑦ ᐃᓪᓗᖁᑖ, ᑎᑎᖅᑲᖃᐅᑖ 1228, ᐃᖃᓗᐃᑦ, ᓄᓇᕗᑦ, X0A 0H0 - ᑭᓇᑐᐃᓐᓇᖅ ᐅᓐᓂᓘᑎᖃᕈᓐᓇᖅᑐᖅ ᓄᓇᕗᑦ ᑲᑎᒪᔨᖏᓐᓄᑦ ᐋᖅᑭᒋᐊᕆᓂᕐᒧᑦ ᐅᑯᓂᖓ:
a) ᐊᑎᖓ ᖃᐅᔨᓴᖅᑕᐅᔪᓂᒃ ᓇᖕᒥᓂᖁᑎᓕᒃ;
b) ᖃᐅᔨᓴᖅᑕᐅᓂᖓᑕ ᐊᑭᒋᓇᔭᖅᑕᖓ ᑕᑯᑦᓴᐅᔪᖅ ᓇᓗᓇᐃᒃᑯᑕᖅᑖᖑᓯᒪᔪᒥᒃ ᖃᐅᔨᓴᕈᑎᒥᓂᕐᓂ, ᓯᕗᓪᓕᕐᐹᖅ ᐋᖅᑭᒋᐊᕈᑦ;
c) ᓇᖕᒥᓂᖁᑕᐅᔪᖅ ᓇᓗᓇᐃᖅᑕᐅᓯᒪᓂᖓᓂ ᑎᓕᓯᔾᔪᑕᐅᓯᒪᔪᒥ ᖃᐅᔨᓴᖅᑕᐅᖁᓪᓗᒍ ᓇᖕᒥᓂᖁᑕᐅᔪᖅ;
d) ᑭᓱᑐᐃᓐᓇᖅ ᖃᐅᔨᓴᖅᑕᐅᒐᓗᐊᕐᐸᑦ ᐲᖅᑕᐅᓯᒪᑎᓪᓗᒍ ᖃᐅᔨᓴᖅᑕᐅᔪᓂ ᐅᑉᕙᓘᓐᓃᑦ ᖃᐅᔨᓴᖅᑕᐅᓂᖃᕆᐊᖃᓐᖏᑦᑐᖅ;
e) ᑎᑎᕋᖅᑎᒥ, ᑎᑎᕋᖅᑕᐅᓯᒪᔪᒥᒃ, ᐊᐅᓚᑦᓯᔨᒋᔭᐅᔪᒥᓪᓘᓐᓃᑦ ᐊᓯᖏᓐᓂᓘᓐᓃᑦ ᑕᒻᒪᕐᓯᒪᔪᖃᕐᐸᑦ, ᐅᑉᕙᓘᓐᓃᑦ ᐃᓚᑰᑎᑦᓯᔪᖃᕐᐸᓘᓐᓃᑦ ᐲᖅᑕᐅᓯᒪᓗᓂ
ᐅᑯᓇᓐᖓᑦ, ᓇᓗᓇᐃᒃᑯᑕᖅᑖᖑᓯᒪᔪᓂ ᖃᐅᔨᓴᖅᑕᐅᒍᑎᒥᓂᕐᓂ, ᓯᕗᓪᓕᕐᐹᒥ ᐋᖅᑭᒋᐊᕈᑎ, ᐅᑉᕙᓘᓐᓃᑦ ᖃᐅᔨᒃᑲᐃᔾᔪᑦ ᖃᐅᔨᓴᕐᓂᕐᒥᒃ. - ᐅᓐᓂᕐᓗᑦᑐᑦ ᓂᕆᐅᒋᔭᐅᔪᑦ ᑐᓂᓯᓂᐊᕐᓂᖏᓐᓂᒃ ᓇᓗᓇᐃᖅᑐᕐᓯᒪᔪᓂᒃ ᑎᑎᖅᑲᓂᒃ ᐊᒻᒪᓗ/ᐅᑉᕙᓘᓐᓃᑦ ᐅᖃᐅᓯᒃᑯᑦ ᐅᓂᒃᑳᕐᓗᓂ ᑲᑎᒪᔨᓄᑦ ᐃᑲᔫᑎᒃᓴᓂᒃ
ᑐᓐᖓᕕᒋᓂᐊᖅᑕᖏᓐᓂᒃ ᐅᓐᓂᕐᓘᑖᑕ . - ᐅᓐᓂᕐᓗᒍᒪᓂᐊᕈᕕᑦ, ᐅᓐᓂᕐᓗᒍᓐᓇᖅᑐᑎᑦ ᐊᐅᓪᓚᑎᑦᓯᓗᑎᒃ ᑎᑎᕋᕐᓯᒪᔪᓂᒃ ᐅᓐᓂᕐᓘᑎᓂᒃ ᐅᕗᖓ:
Secretary of the Board of Revision, P.O. Box 272, Kugluktuk, Nunavut, X0B 0E0. ᑎᑎᕋᕐᓯᒪᔪᒥ ᐅᓐᓂᕐᓘᑎᓐᓃᒋᐊᓖᑦ ᐊᑏᑦ ᑐᕌᕈᑏᓪᓗ, ᐃᓂᖓ
ᓇᖕᒥᓂᖁᑎᒋᔭᕕᑦ, ᐅᓐᓂᕐᓘᑏᑦ ᐊᒻᒪᓗ ᐱᔾᔪᑖ, ᐊᒻᒪᓗ ᖃᓄᖅ ᐊᖅᑭᒋᐊᖅᑕᐅᖁᒻᒪᖔᕐᐱᐅᒃ, ᓇᓗᓇᐃᔭᑦᓯᐊᕐᓯᒪᓗᒍ. - ᖃᐅᔨᒋᐊᕐᕕᒃᓴᖅ ᓄᓇᕗᒻᒥ ᓇᖕᒥᓂᖁᑎᓂᒃ ᖃᐅᔨᓴᕐᕕᒃ ᑐᖔᓂ ᐅᓐᓂᕐᓗᓚᐅᓐᖏᓂᕐᓂ. ᐅᓐᓂᕐᓘᑏᑦ ᐊᐅᓪᓚᖅᑎᑕᐅᔪᑦ ᑐᓂᔭᐅᔪᓪᓘᓐᓃᑦ, ᑐᓂᐅᔭᓯᒪᒋᐊᓖᑦ
ᑎᑎᕋᖅᑎᖓᓄᑦ ᑲᑎᒪᔩᑦ ᐋᖅᑭᒋᐊᕈᑎᒃᓴᓄᑦ. ᑭᖑᓂᐊᓂᐅᓐᖏᑦᑐᖅ 45 ᐅᓪᓗᐃᑦ ᑏᓰᒻᕙ 21, 2020−ᒥᓂᒃ ᐅᓐᓂᕐᓗᑦᑐᓕᒫᑦ ᖃᐅᔨᒃᑲᖅᑕᐅᓂᐊᖅᑐᑦ ᓇᓂ ᐊᒻᒪᓗ ᖃᖓ
ᓄᓇᕗᒻᒥ ᑲᑎᒪᔨᖏᑦ ᐋᖅᑭᒋᐊᕆᓂᕐᒧᑦ ᐃᑦᓯᕚᕐᓂᐊᕐᒪᖔᑕ.
ᑐᑭᓯᒋᐊᒃᑲᓂᕐᕕᒃᓴᖅ ᑕᑉᕗᓐᖓᖓᔪᓂᒃ ᖃᐅᔨᒋᐊᕐᕕᒋᓗᒋᑦ ᓄᓇᕗᒻᒥ
ᓇᖕᒥᓂᖁᑎᓂᒃ ᖃᐅᔨᓴᕐᕕᖓ, ᕿᑭᖅᑖᓗᒃ ᑯᐊᐳᕇᓴᒃᑯᑦ, ᑐᒡᓕᐊ ᓇᑎᖓ,
922 ᓂᐊᖁᓐᖒᓯᐊᕆᐊᖅ ᐊᑐᕆᐊᖓ, ᐃᒡᓗᕗᑦ ᐃᓪᓗᖁᑖ, ᑎᑎᖅᑲᖃᐅᑖ
1228, ᐃᖃᓗᐃᑦ, ᓄᓇᕗᑦ, X0A 0H0 ᐅᖄᓚᐅᑖ (867) 979-8446,
ᐅᑉᕙᓘᓐᓃᑦ ᓱᒃᑲᔪᒃᑯᑦ (867) 979-8412, ᐃᕐᖐᓐᓈᕈᑎᒃᑯᓘᓐᓃ
bradshaw.assessment@gmail.com, ᐅᑉᕙᓘᓐᓃᑦ
gt.assessment@shaw.ca
3423 total views, 5 today